අම්මා

ජීවිතයට වසන්තය

ගෙන ආවේ ඔබයි මගෙ අම්මේ

එනමුදු ඔබ දුක් විදී තවමත්

මා හිස කිරුළු පළදවන්නට

වරින් වර නොකීව ද

ඔබ මට ආදරේ වග

මා ඔබේ ජීවිතය වග

දැනෙයි හැම තත්පරයකම

වයසින් මුහුකුරා ගොස්

නමුදු නොමැත මෙලොව

ඔබවන් මා හදුනා ගත් කෙනෙකු

ඔබයි මගේ හොදම මිතුරිය

රිදවන්නට ඇත හඩවන්නට ඇත

නමුදු නැත කිසිවිටක
පළිගන්න හදන්නේ

ළගින් සිටින අන් අය වාගේ

මා හඩන විට හඩන්නට

මා හිනැහෙන විට හිනැහෙන්නට

මා සමග ජය ගී ගයන්නට

සිටියේ ඔබයි සිටින්නේ ද ඔබයි

ණයගැතියි සදා ණයගැතියි
ඔබට මගෙ අම්මේ

ජීවිතයම ඔබයි

සදා ආදරණීය අම්මේ

මතු බුදු වන්නට
පින් ඇතත් ඔබට

නැවත එක් වරක් හෝ මගේ මව් වන්නට

හැකි ද මගෙ අම්මේ